مشاركة الإخوان يوم 25 يناير


Ahmed Ramy Elhofy

اليوم 25 يناير 2011 التوقيت بين المغرب و العشاء. المكان أمام دار القضاء العالى .

فى الوقت ده كان مر على بداية المظاهرات اكتر من 6 ساعات . كنت تعبت و جعت. عديت الشارع و دخلت اخد ساندوتش من مطعم فلفلة اللى قصاد دار القضاء مباشرة . دخل ورايا ضابط أمن الدولة اللى كان مسئول عن منظمات المجتمع المدنى وكان بيستخدم اسم فهد أبو الخير وبعد السلامات دار الحديث التالى :

. هو : ح تمشوا امتى؟

أنا : علمى علمك يا فهد بيه لما الناس تمشي.

هو : طب اصرف الإخوان واحنا ح نتصرف مع الباقى .

انا: بس الحضور النهاردة نسبة الأخوان فيه مش زى كل مرة كبيرة ولو مشيوا برضه ح يكون فى عدد .

هو : الإخوان تلتين الحضور مشيهم واحنا ح نتصرف مع الباقى.

انا :حضرتك عارف الإخوان مابيسمعوش إلا كلام مسؤلينهم وانت ما ترضاليش اقول كلمة فى وسط الناس دى كلها ولا تنفذ . حضرتك عاوز الأخوان يمشوا كلم مكتب الإرشاد . على العموم الليل دخل و كلها ساعة ولا اتنين و الكل يمشى .